كان أيامها عندى سبع سنوات
لكن فاكرة بعض اللقطات القصيرة من ذاكرتى ال11 ميجا زى موبايلى
مشهد 1
صاحب بابا وأتذكر ان اسمه عبد المطلب..يحملنى وبيحشرنى حشر فى الحجر الاسود..مازلت أتذكر ريحة المسك و برودة الحجر
والخبطة اللى اخدتها وانا بتحشر جوه..الحمد لله
مشهد 2
جلوسى انا واختى على الكرسى المتحرك..وبابا بيزقنا فى الصفا والمروة
مشهد 3
واحنا فى المزدلفة..والناس نايمة فى الخلاء..جنب اتوبيساتها...وانا الوحيدة اللى سهرانة..ساعتها الدنيا مطرت...افتكر انى قعدت افكر فى ربنا..وأتأمل فى الناس والسما والسكووووون الشديد ...وكأنه امبارح
مشهد 4
واحنا فى الاوتوبيس..وبردد التلبية مع الناس...وصدى صوت الناس بيتخلل القلب...بيرجه رج
مشهد 5
اصرارى انى انام مع بابا عند الرجاله عشان عندهم تكييف وعند ماما عند الستات حر!
مشهد 6
نفس صاحب بابا اللى فوق..طلب منى انى اجمع حصى رمى الجمرات..وافتكر جدا انه قالى نقى الكبير والمتوسط...وانه اشترالى لعبة شبه المسدس وبيطلع كور اضربها فى الناس..بس الحمد لله ماضربتش حد
مشهد 7
طوافى حول الكعبة..والناس بالنسبالى عمالقة..ماشفتش الكعبة اوى...بس كنت بزق الناس كويس
مشهد 8
أكياس التلج اللى بابا كان بيجيبها عشان الحر
مشهد 9
نزولنا فى الفندق ابو سجادة حمرا..وضياع شنطة هدومنا بالكامل
مشهد 10
إحرامى...والبيجامة الجديدة اللى كانت بتشوكنى ...كنت بكرهها... المسامح كريم بقى
مشهد 11
ماما مصرة تكب ماء زمزم عليا وعلى هدومى..يالا اهى بركه برضة
الحداشر ميجا خلصوا
:)
:)
ليست هناك تعليقات:
إرسال تعليق