انا لما بركب مواصلة والسواق مشغل أغنية بسكت زى الشيطان
بس هنا
انا كنت سامعة هبد الاغنية فى صدرى!
عشان السبب دة مش بحب اروح افراح ابدا
ولأوووول مرة اقول لسواق ممكن توطى شوية
بس فى المحاولة دى قلت للراجل اللى قاعد فى الصف الامامى
انه يقول للسواق وطى شوية
اولا لانه اكييييد مش حيسمعنى من ورا
ثانيا قلت فى نفسى ممكن يتكسف من الراجل ويوطى الصوت
لكن اللى حصل؟
السواق رفض يوطى الصوت
ونظرلى نظرة خدشت حيائى
نظرة كانت كلها سباب بالام وبالاب
نظرة كانت كلها غييييظ وكانه بيقولى
وانتى مال أهلك
عربيتى واستريوهى!
نظرة حرقتنى من جوا
زى ما قلتلكم السواق رفض يوطى الصوت
وكاد انه تحصل مشادة بين السواق والراجل الطيب اللى كلمته
وصفته بالطيب لانه قال للسواق "لما ننزل يا سيدى تبقى شغله تانى"
أمال لو كنت قلتله اقفل الاغانى دى كان عمل فيا ايه؟ اقل حاجة كان ممكن يقولى"انزلى يا آنسه"!
--
انا تعبت
تعبت لانى محملة نفسى فوق طاقتى
ودة لانى بحب الناس
وعاوزاهم يحسوا بالاحاسيس الجميلة اللى بحسها
لما بكون مع ربنا
من حبى ليهم نصبت نفسى
"رقيب عتيد" عليهم
بس لأ
انا مانستنش نفسى
بل العكس تماما
كنت بحاول احسن من نفسى
عشان اقدر افيدهم أكتر
ومقولهمش حاجة غلط
لــــكــــن
كنت بتقابل بكلمات وأوصاف ساخرة
"شيخة الاسلام" ، "السلفية"
"إرهابية" ، "متشدده"
حتى أمى لما بتسألنى عن معلومة وقدرا اكون عارفاها
افرح اوى واقولهالها
ولما تقولى بارك الله فيكى
بحس بكمية إحراج وسخرية فى كلماتها
مجنونة أنا عارفة
أظن أن اصابتنى لعنة نظرية المؤامرة!
---
أما الجذور اللى نبتت الزرعة الميتة دى
اللى هى "أنا"
فهى كام موقف كدة
وكلهم بيصبوا فى "بلاعة واحدة"
---
الاول:كاد يسقط من نظرى لولا أنه...
لكن مكانته أيأستنى
بالله..كيف لحصاة صغيرة ان تمنع إنهيار الجبل؟!
.
الثانى:تباً للـ...
الذى جعلنى أصمد لمدة تقارب الشهر
محاولة منى لإقصائه لكن فشلت ---
ذنبهم الوحيد الذى ارتكبوه فى حقى
إنى كرهت الكلام فى الدين!
كرهت أقول كلمة حق
لانى عرفت انه خلاص مابقاش فى فايدة ف-كلامى
غير اللى باخده من سخرية وحزن عليهم
وإحساس بالفشل وإنعدام الثقة فى النفس والإكتئاب!
هههههه كتلة محترمة:D
.
عارفة جدا اللى بيدور فى نفسكم دلوقتى
زى مثلا:
يعنى انتى اللى خالية من العيوب يا خى
يعنى مابتعمليش اى ذنوب يعنى
ماوزكيش شيطانك مرة
ولا غلبك هواكى مرااااات
ما انتى اكيد كنتى كدة فى يوم
ويمكن تكونى مازلتى كمان
و للأسوأ!
معيشة نفسك دور الملائكة
اللى مابتغلطش
ولاّ نحب نفكرك؟
واقولكم:
ان نفس الكلام دة انا بقوله لنفسى ومش بنكر ولا اى حاجة منها
ويمكن أزيد عليها كمان
لكن جملة قريتها
"-- حقٌ على أصحاب الكؤوس أن يتناصحوا --
لا يُعــذر المسلم في تخليه عن الدعوة إلى الله والأمر بالمعروف والنهي عن المنكرحتـى وان كان مقصراً في نفسهفي بعض الأمور ,
بـل إن الإنسان عليه أن ينهى عن المنكرحتى وان كان هــو واقـع فيــه
, فوقوعه في المنكر ذنب وعدم إنكاره على الآخرين ذنب آخر يسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوة ومثالاً يحتذى به"
وكفاية على ذنبى..لكن ماجمعش ذنبين كمان!
وبفضل الله ومنته غيرت شخصيتى بنسبة 50 % للاحسن
كنت مثالا يحتذى به فى سرعة الغضب والعصبية
الان يضرب بى المثال ايضا فى البرود واللامبالاة! كان لسانى زالف وقليل من الشتائم كانت تفيد الان قدرت اقلل منها ولا أتحمل شتيمة على شخص حتى ولو مش انا اللى قلتها!
دة مش جهر بالذنب حاشا لله
لكن يمكن ان تكون أمل لاحدكم لتغيير مايراه غير مناسب فى شخصيته