بعترف

لنخرج قليلا عن كهف الصمت هذا

.

.

طالبة معايا دلوقتى انى اعترف

وحتى كتابة اخر حرف دلوقتى

مش عارفة انا عاوزة اعترف بإيه!

بس انا حاسة ان عليا حمل كبير

وعاوزة اتخلص منه

ف-انا عاوزة اقول انى

.

بعترف ان انا مش زى ما انتوا فاكرين

مهما كان اللى انتوا فاكرينه دة ايه

واللى انا معرفوش اصلا!

.

بعترف انى انانية..بحب بابا يدينى من الشيكولاته بتاعته

ومش برضى اديله حته..بحجة انه عنده السكر :(

.

بعترف انى انانية برضه عشان بحب اخلى بابا يعلمنى حاجات

وبستخسر ادى لبابا حبة من وقتى اعلمه ازاى يعمل كوبى وبيست على الكمبيوتر

.

بعترف انى وحشة اوى فى حاجات بس مش عارفة ايه هيا؟

هو كدة وخلاص!

.

بعترف انى لما حد يزعلنى مش بسامحه بسرعة

ومش بنسى لكن بتناسى

ودى حاجة وحشة فيا وعاوزة اغيرها

لانى لو حبيت ان ربنا يسامحنى يبقى لازم اسامح غيرى

.

بعترف انى متسلطة وديكتاتورية فى حاجتين:

الحب والحق

.

بعترف انى ساذجة وبثق فى الناس بسرعة وعندى مبدأ 

ان كل الناس كويسة حتى يثبت العكس

وحتى لو ثبت العكس بالتمسلهم العذر

اذن فالنتيجة واحدة

ساذجة

.

بعترف انى مش باردة بس بعرف امثل البرود

واتعلمت ارد بابتسامه صفرا للى بيغيظنى

بس قلبى من جوايا بيتحرق

.

بعترف انى ضعيفة بس بمثل القوة

.

بعترف انى ببكى بالليل بس

عشان محدش يحس

.

بعترف انى عنيدة فى اللى شايفاه صح حتى يثبت العكس

.

بعترف انى حزينة دلوقتى

.

بعترف انى حقيرة بين الناس

لكن مكرمه عند ربنا كونى انسان

مش أكتر

.

بعترف بالذنب إياه فى اليوم إياه 

فى الساعة إياها فى الدقيقة إياها

فى الثانية إياها

وأستغفر الله وأتوب إليه

.

بعترف ان دة أكتر بوست ممل كتبته فى حياتى!

...

..

.

هذه الاعترافات قابلة للزيادة!