D :D:

هووووف 

أكيد زهقتوا منى ومن نكدى

وبتقولو لنفسكم ارحمينا شوية

حنلاقيها منك ولا من همنا

والله غصب عنى

لما بدخل فى دوامة الإكتئاب

مش بعرف أخرج منها

وبحاول أفلفص منها من امبارح

وأنا بطبيعتى مش بفضفض لحد

فجيت افضفض هنا
لا حد شايفنى ولا حد حيرد عليا

---

فقلت محاولة اخيرة

أحاول أفتكر اى موقف طريف حصلى

وقعدت اعصر دماغى يا سادة

ولا نزلت اى عصير

ولا نقطة حتى

معقولة اللحظات الحلوة نسيتها فى حياتى!

عارفين؟

قعدت أفتكر كام حاجة كدة

ولقيت الحمد لله بـــــس

اه من بس

بس للاسسسسف

اللى حصل العكس

حصلتلى حالة شجن وحنين للحظات دى

 يعنى جيتى كحلتيها عميتيها  يا فالحة!
آه شوفتو
---

حتى لما حاولت أفرَّح نفسى بالعافية

حزنت تانى!

هى محاولة فاشلة اه

بس كسبت شرفها

ودة ضحكنى أوى دلوقتى

:D

الدرس يا سادة

أحيانا الحزن بيكون مضحك اوى

:) :) :) :)