قررت أكتبها هنا وخلاص!
.
مش قادر بجد
عندى حالة من اللا-أى حاجة!
مش قادرة اتنفس
عاوزة اخرج اتمشى عـ البحر
واخد معايا مصحفى
وارتل مع نفسى
وارمى حزنى
.
حاسة انى مليش فايدة فى أى حتة!
خلصت دراسة
ومش بشتغل
أخدت كورسات
وحاسة انى لو اشتغلت
مش حتفيدنى
.
فى حاجة ضايعة منى
ومش لاقياها
يمكن ضايعة من نفسى؟!
.
مش عارفة الناس بتحبنى على ايه؟
كلهم بيقولولى بحبك بحبك
وانا مش شايفة اى سبب مقنع
انا عندى 20 سبب عشان تكرهونى
لكن اتحداكم انكم متقدروش تجيبوا 10 اسباب
عشان تحبونى
.
فى حاجات كتير حواليا تخلينى استبشر
الامور اللى انا عاوزاها وبدعى ربنا عشانها
بتتحقق الحمد لله
أمال فى ايه؟
يمكن ملل؟
فراغ؟يمكن الحر اللى مضايقنى
ما انا مشغلة المروحة أهو!
.
كتبت ييجى 3 مرات فى الاستاتس على الفيس بوك
وكل مرة بمسحها
مش قادرة أحدد موقفى من نفسى
.
امبارح وصل بيا الامر
انى ببكى غصب عنى
وانا مش بحب حد يشوفنى كدة
دخلت نمت بدرى على غير عادتى
واللى زود الطين قطران
انى نمت عن صلاة العشاء
ومصحتش غير الفجر
.
نفسى اخرج
بس حروح فين لوحدى؟
آخر لما بغلب بطلع أقعد فى البلكونة
وامسك مصحفى وارتل
.
نفسى اعمل حاجة بحبها
تاخد كل وقتى
ويكون ليها فايدة
ليا وللى حواليا
.
وحشونى صحباتى اوى
مش عاوزة افارقهم لحظة واحدة
احساس صعب اوى الاشتياق ليهم
الله يصبرنا على فراق الأحباب
الله يصبرنا على فراق الأحباب
.
طولت اوى..كفاية كدة
.
طولت اوى..كفاية كدة
.
الحمد لله
