تعبت اوى عبال ما اخترتلك شكل يليق بيكى وبكلامى طبعا :P
ودايما اول حاجة تعجبنى هى اول حاجة اختارها :D
ومابتعلمش برضة :)
*
*
*
ليه هنا؟
وليه الاسم دة؟
وحعمل ايه فيها؟
حقول حاضر :)
---
هنا حيكون مساحتى بحرية تامة..حتى كمان لغيت التعليقات..اكتب بدون نقد..فى اماكن تانية بكتب فيها وفيها مساحة للنقد
لكن هنا..مساحتى الخاصة جدا.. اكتب فيها بلخبطة حروف..بدون ترتيب..وبدون عمل لحساب اى حد ..هى لى وحدى...بلا منافس او منازع
--
الاسم دة الهمته..لله الحمد..مش بيدل على شخصيتى عشان كدة مش حغيره زى كل مرة...حبيت يكون الاسم يرتبط بيا بحيث احبه بجد
وانا من الشخصيات اللى بترتبط باى حاجة..قلم ..شنطة..انشالله حتى قصقوصة متشخبط عليها..ودى عندى فعلا محتفظة بيها :)
-
وأخيراً:D
مدونتى دى حتبقى بنتى وصديقتى وتوأمى..حتبقى انا بس على مينىmini :P
***
**
*
دمت بخير قارئى :)
ليست هناك تعليقات:
إرسال تعليق